Sunday, 18 April 2021

கொழும்பு துறைமுக நகரம் தனி நாடல்ல! - –சுப்பிரமணியம் நிஷாந்தன்



கொழும்பு துறைமுக நகரம் வர்த்தக ரீதியாக இலங்கைக்கு ஒரு திருப்புமுனையாக அமையும் என்பதுடன், இதுவொரு தனிநாடல்ல. இதன் மொத்த நிலப்பரப்பும் இலங்கையுடன் இணைக்கப்பட்டுள்ளதுடன், இலங்கையர் எவர் வேண்டுமானாலும் எவ்வித தடைகளுமின்றி கொழும்பு துறைமுக நகருக்குள் செல்ல முடியுமென இராஜாங்க அமைச்சர் அஜித் நிவார்ட் கப்ரால் (Ajith Nivard Cabraal) தெரிவித்தார்.

கொழும்பு துறைமுக நகரம் உருவாக்கப்பட்டதன் பின்னர் இலங்கைக்கான நேரடி வெளிநாட்டு முதலீடுகள் அதிகரிக்குமெனவும் அவர் கூறினார்.

கொழும்பில் நேற்று வெள்ளிக்கிழமை நடைபெற்ற ஊடகச்சந்திப்பில் கலந்துகொண்டு உரையாற்றும் போதே அவர் இவ்வாறு தெரிவித்தார்.

கவிஞர் பெரியசாமி எழுதிய தோட்டத் தொழிலாளர்களின் வீரப்போராட்டம்-பேராசிரியர்.சோ.சந்திரசேகரன்

 








கோ.நடேச ஜயருடன் தொழிற்சங்க அரசியல் பணிகளில் இணைந்து பணியாற்றிய புரட்சி கவிஞர் பி.ஆர். பெரியசாமி தனது சொந்த பணத்தில் 1957 ம் ஆண்டு எழுதி வெளியிட்ட தோட்டத் தொழிலாளர்களின் வீரப்போராட்டம் என்ற வரலாற்று ஆவணம் 2021 ஜனவரி பொங்கல் அன்று மீள் பிரசுரமாக வெளிவருகிறது. வரலாற்று ஆய்வாளர் எச்.எச்.விக்ரமசிங்க மீள்பிரசுரம் செய்யும் இந்த நூலிற்கு பேராசிரியர் சோ.சந்திரசேகரன் எழுதிய அணிந்துரையின் ஒரு பகுதி.

அமரர் பெரியசாமி அவர்கள் தோட்டத் தொழிலாளர் வீரப் போராட்டம் என்ற தலைப்பில் 1957 ஜூலை மாதம் எழுதி வெளியிட்ட சிறு நூல் ஒன்று எச்.எச்.விக்கிரமசிங்கவின் பெருமுயற்சியால் இன்று தமிழ் வாசகர்களுக்கு கிடைத்திருக்கின்றது. இதற்காக முதற்கண் விக்ரமசிங்கவை பெரிதும் பாராட்ட விரும்புகிறோம். அண்மைக்காலங்களில் அவர் சென்ற நூற்றாண்டில் இலக்கியத் துறையிலும் அரசியல் தொழிற்சங்க துறைகளிலும் பல்வேறு சிறப்புமிகு பணிகளை ஆற்றி விட்டு மறைந்த மறையாத பல ஆளுமைகளை தேடி கண்டறிந்து மக்களுக்கு அறிமுகம் செய்யும் ஒரு அரிய பணியில் ஈடுபட்டு வருகின்றார். அவர்களின் பெயர்களை மட்டுமன்றி அவர்தம் எழுத்துகளை தேடிக் கண்டறியும் முயற்சியில் கடுமையாக உழைத்து வருகின்றார். இந்தவகையில் அவர் அரசாங்க சுவடிகள் திணைக்களத்தை மட்டுமன்றி மலையகத்தின் பட்டி தொட்டிகளில் எல்லாம் சென்று கs ஆய்வையும் கண்டறிகிறார். அவருடைய தேடல் முயற்சி ஒரு பல்கலைக்கழக இளம் ஆய்வாளரின் பணிகளை ஒத்தது.

தமிழ் மக்களின் வாழ்வோடு உன் நகைச்சுவை, தமிழ் எப்போதும் கலந்திருக்கும் -ஓவியன் இரவிக்குமார் Share this:

 


1980-83 மதுரை அமெரிக்கன் கல்லூரியில் தமிழ் இலக்கியம் பயின்று கொண்டிருந்தபோது, கல்லூரியில் எனக்கு ஒரு வருடம் மூத்தவர் விவேக். ஓவியர்கள், எழுத்தாளர்கள், பாடகர்கள், நாடகக் கலைஞர்கள் என்று இருந்த அப்போதைய கல்லூரியின் கலைக்குழுவில்தான் விவேக்கோடு நிறைந்த நட்பு.

அதற்கும் முன்னால் விவேக்கின் எழுத்து, கல்லூரி ஆண்டு மலரின் மூலமாக அறிமுகம். மயிர்ப்படகு என்பது அந்தக் கவிதையின் தலைப்பு என நினைக்கிறேன்…
எங்கள் ஐயா சுதானந்தா எங்களையெல்லாம் எப்போதும் இழுத்துக் கொண்டு அலைவார். புதிய புதிய கருப்பொருள்களை, உத்திகளை, உருவாக்க முறைகளை முன் வைப்பார். நாங்கள் அப்போது, சுவர்ப் பத்திரிக்கை ஒன்றை நடத்திவந்தோம். குறிப்பிட்ட கால இடைவெளியில் ஒரு பெரிய போர்டில் கவிதை, ஆக்கங்களை, புகைப்படங்கள், ஓவியங்கள் போன்றவற்றோடு தாளில் வண்ண வண்ணமாக எழுதி ஒட்டி வைப்போம். அதிலும் விவேக் சிறப்பாகப் பங்கெடுப்பார். மாணவர்களின் படைப்பாக்க ஆற்றலை வளர்த்தது அந்தச் சுவர்ப் பத்திரிக்கை.

“ஒவ்வொரு வீட்டிலும் 2 மரக்கன்றுகள் நட வேண்டும்!” – நடிகர் விவேக்கின் பசுமை பக்கங்கள்-த. ஜெயகுமார்


ஏப்ரல் 17, 2021

த. ஜெயகுமார்

ஒரு நடிகனாகத் திரைத்துறை அவரை நினைவுகூரும். ஒரு பசுமை மனிதனாக அவர் நட்ட மரங்கள் அவரை நினைவுகூரும்.

திரைப்பட நகைச்சுவை நடிகர் விவேக் மாரடைப்பால் இன்று அவரது உயிர் இயற்கையில் கலந்தது. நடிகர் விவேக்கின் அனைவரும் அறிந்த இன்னொரு பக்கம் மரம் வளர்ப்பு. எண்ணற்ற தனி மனிதர்கள், தன்னார்வ அமைப்புகள், பள்ளிகள், கல்லூரிகளோடு இணைந்து மரம் நடும் பணிகளில் ஈடுபட்டு வந்தார். தமிழ்நாட்டில் இவர் இப்படி வளர்த்த மரங்களின் எண்ணிக்கை 30 லட்சம் இருக்கும். கிரீன் கலாம் என்ற அமைப்பை உருவாக்கி அதன் மூலம் தமிழகமெங்கும் மரம் வளர்ப்பை முன்னெடுத்து வந்தார். மறைந்த முன்னாள் குடியரசு தலைவர் அப்துல் கலாமோடு நல்ல நட்பு பாராட்டியவர். அந்த உறவின் அடையாளமாக கலாமின் கனவை நிறைவேற்றும் வகையில் தமிழகம் முழுவதும் 1 கோடி மரங்கள் வளர்க்க வேண்டும் என்ற கனவை நிறைவேற்ற தொடர்ந்து இயங்கி வந்தார்.

Wednesday, 14 April 2021

மணிவண்ணன் கைதும் மாநகரசபையும்


லங்கையில் உள்ள மாநகர சபைகளில் முக்கியத்துவம் பெற்ற ஒரு நகர சபையாக யாழ். மாநகரசபை விளங்குகிறது. தமிழர்கள் செறிந்து வாழும் ஒரு நகரத்தில் தமிழர்கள் ஆளும் தரப்பிலும் எதிர்த் தரப்பிலும் அமர்ந்து சபை எல்லைக்குட்பட்ட நிர்வாகத்தையும், அபிவிருத்தி நடவடிக்கைகளையும் நடத்தவும் வகுக்கவும் கூடிய ஒரே சபை இலங்கையில் யாழ். மாநகர சபை மட்டுமே. மிகச் சிறப்பாக இயங்கிய சபையாக இது விளங்கிய போதிலும் 1975 துரையப்பா படுகொலையின் பின்னர் நகர நிர்வாகம் படிப்படியாக நலிவடைந்து தீவிரவாதிகளின் கைகளுக்குச் சென்றதும் பின்னர் 2009 செப்டம்பர் முதலாம் திகதி யோகேஸ்வரி பற்குணராஜா புதிய மாநகர முதல்வராக பதவியேற்கும் வரை யாழ். மாநகரம் மக்கள் பிரதிநிதிகளின் ஆட்சியில் இருக்கவில்லை. கைவிடப்பட்ட நிலையில் இருந்தது என்பதே உண்மை.

வடபுலத்து தமிழ்ச் சமூகத்தின் நீண்ட நாள் கோரிக்கை, தமது அபிவிருத்தியைத் தாமே திட்டமிட்டு நிர்வகிக்கும் அதிகாரம் தம் வசம் வழங்கப்பட வேண்டும் என்பதே. கேட்கப்படும் அதிகார அலகுகளின் எல்லைகளில்தான் பிரச்சினை காணப்படுகிறதே தவிர, கோரிக்கையில் அல்ல. அதேபோல யுத்ததின் பின்னர் முதல் தடவையாக வடமாகாண சபைத் தேர்தலும் நடைபெற்று முன்னாள் நீதியரசர் விக்னேஸ்வரன் தலைமையில் ஆட்சியும் நடைபெற்றது. இம் மாகாண சபையின் ஆட்சி எவ்வாறு அமையும், மிகச் சிறப்பாகவும் எடுத்துக்காட்டாகவும் அமையுமா என நாடெங்கும் ஒரு எதிர்பார்ப்பு நிலவியதும் அந்த எதிர்பார்ப்பில் மண் அள்ளிப் போடப்பட்டதும் நாம் அறிந்தவையே.

யாழ். மண் நிறைய பிரச்சினைகள் கொண்டது. ஒரு போரைச் சந்தித்து மீண்டு வந்த மண் என்பதால் உறுதியாக நின்று செம்மையாக செயல்பட வேண்டிய அவசியம் இம் மண்ணில் இயங்கும் உள்ளூராட்சி மற்றும் மாகாண சபைகளுக்கு உண்டு. அதேபோல, யாழ். மாநாகர சபையும் சக்திமிக்கதாக இயங்கி மாநகர எல்லைவாழ் மக்களின் தேவைகளை நிறைவேற்றி வைக்க வேண்டிய பொறுப்பையும் கொண்டிருக்கிறது.

யாழ். நகரில் ஒரு நிர்வாக அமைப்பு 1923ம் ஆண்டு தோற்றம் பெற்றது. பத்து உறுப்பினர்களைக் கொண்ட நகர மாவட்ட கவுன்சில் நகர நிர்வாகத்தை பொறுப்பேற்றது. பின்னர் 1940ம் ஆண்டு யாழ். நகரசபை உதயமானது. 1949ம் ஆண்டு ஜனவரி மாதம் 15 உறுப்பினர்களைக் கொண்ட யாழ். மாநகரசபை இயக்கத்துக்கு வந்தது. கனகரட்னம் சபையின் முதல் முதல்வராக தெரிவாகினார்.

நகர சபை இயற்க ஆரம்பித்தாலும் 1975க்குப் பினன்ர் ஏற்பட்ட அசாதாரண சூழல்களினால் நகரசபை இயங்கவும் இல்லை; வரி அறவிடப்படவும் இல்லை. திருமதி யோகேஸ்வரி நகர முதல்வராக பதவியேற்ற போது இறுகிப்போயிருந்த மாநகரசபையின் சக்கரங்களை இயங்கச் செய்வதே அவர் முன்பிருந்த பாரிய சவாலாக இருந்தது.

விக்னேஸ்வரனின் காலத்தில் மாகாணசபை மக்கள் அபிலாசைகளை பூர்த்தி செய்வதாக அமையவில்லை என்பது உண்மையானாலும் தற்போது அச் சபையே முடங்கிக் கிடக்கிறது. இவ்வருட இறுதிக்குள் தேர்தல் நடத்துவதற்கு அரசு முயற்சித்தாலும் அதில் சிக்கல்கள் இருப்பதால் மாநகரசபை தேர்தல் சாத்தியப்படுமா என்று தெரியவில்லை. நகரசபையை எடுத்துக் கொண்டால் அது இயங்க ஆரம்பித்து பத்து ஆண்டுகளே கடந்துள்ளன. யாழ். மாநகரசபை எல்லைக்குட்பட்ட பகுதிகளில் காணப்படும் பிரச்சினைகள். அபிவிருத்தித் திட்டங்கள். கட்டமைப்புகளை மேலும் விருத்தி செய்தல் போன்ற பலவற்றை அடையாளம் காணவும் தீர்க்கவும் மற்றும் நிதி ஆதாரங்களைத் தேடவும் வேண்டும். இதற்கு சீரான நிர்வாகம் அவசியம்.

Friday, 9 April 2021

இது தமிழ்நாட்டின் சுயமரியாதையை மீட்பதற்கான போர்- சமஸ்


ஏப்ரல் 8, 2021

சித்திரை உச்சிவெயில். உடல் முழுக்க வியர்வையில் நனைந்திருந்தாலும் அசராமல் காத்திருக்கிறது கூட்டம். அலரும் ஒலிபெருக்கியின் முழக்கங்களுக்கும், தொண்டர்களின் ஆரவாரத்துக்கும் இடையில் கிழித்துக்கொண்டு நுழையும் பிரச்சார வேனிலிருந்து வெளிப்படும் முத்துவேல் கருணாநிதி ஸ்டாலின் மூன்றாண்டுகளுக்கு முன்புபோல பலராலும் சாதாரணமாக மதிப்பிடப்பட்டவராக இல்லை; 2021 தமிழக சட்டமன்றத் தேர்தலில் பிரதமர் மோடி உட்பட எதிரில் உள்ள அத்தனை நட்சத்திரப் பிரச்சாரகர்களின் பிரதான இலக்கும் அவரே. ஆளுங்கட்சியின் தலைவரை அல்லது முதல்வரைப் பிரதான இலக்காக்கி நடக்கும் பிரச்சாரங்களிலிருந்து இந்தத் தேர்தல் முழுவதுமாக மாறுபட்டிருக்கிறது; எதிர்க்கட்சித் தலைவரையே எல்லோரும் குறிவைக்கிறார்கள். ஜாம்பவான் கருணாநிதியின் மறைவுக்குப் பின் திமுகவில் அதிகார மாற்றத்தைச் சுமுகமாகக் கைமாற்றிக்கொண்டதோடு, ஒட்டுமொத்தக் கட்சியையும் தன் கட்டுப்பாட்டுக்குள் கொண்டுவந்த ஸ்டாலின் கூட்டணியையும் ஜாக்கிரதையாகக் கையாள்கிறார்.

தன்னுடைய தவறுகள், போதாமைகளை ஸ்டாலின் தீர்வுகள் வழி எதிர்கொள்கிறார். தான் கருணாநிதிபோல வசீகரமான பேச்சாளர் அல்ல என்பதை உணர்ந்திருப்பவர் திமுகவின் கூட்டங்களை மக்களுடன் உரையாடும் களமாக மாற்றியிருக்கிறார். எல்லோருக்கும் பொறுமையாகக் காது கொடுப்பதும், குறைகளுக்கு முகம் கொடுப்பதும், சரியானவர்களிடம் பொருத்தமான பொறுப்புகளை ஒப்படைப்பதும் ஸ்டாலினின் பெரிய பலம் என்கிறார்கள் கட்சியினர். சரியான தருணத்தில் கட்சியைத் தகவல் தொழில்நுட்ப யுகத்துக்கும் நகர்த்தியவர் மாறிவரும் புதிய சூழல்களுக்கு ஏற்ப கட்சிக்குப் புது உருவம் கொடுத்திருக்கிறார். 2014 மக்களவைத் தேர்தலில் அத்தனை இடங்களிலும் தோற்ற கட்சி 2019 மக்களவைத் தேர்தலில் போட்டியிட்ட அத்தனை இடங்களிலும் வென்றது பெரிய திருப்பம். 2021 சட்டமன்றத் தேர்தல் ஸ்டாலினுடைய வாழ்வில் முக்கியமான தேர்தல். கடுமையாக உழைக்கிறார். 20 நாட்களில் அவருடைய பிரச்சார வாகனம் 12,000 கி.மீ. பயணித்து 234 தொகுதிகளையும் சுற்றிவந்திருக்கிறது. தங்கும் ஊர்களில் வீதிகளில் மக்களுடன் நடப்பவர் தொடர் பயணங்களுக்கு இடையே பேசினார்.

Wednesday, 7 April 2021

ACJU and persecution of Muslims by By Latheef Farook

 For the first time in more than a thousand-year history, the island’s Muslim community has been persecuted since the end of the ethnic war in May 2009. It has become worse ever since eight so-called Muslim parliamentarians voted for the 20th amendment and gave wide powers to the President. 


However the President of All Ceylon Jamiyyathul Ulama (ACJU), Rizvi Mufti has left the community high and dry and relaxing in the serenity of the holy city of Medina.

Before leaving he has appointed a moulavi who spent three weeks in remand prison as the chief executive officer demonstrating his callous disrespect for religious values, honesty and integrity.


Tuesday, 6 April 2021

1971 ஏப்ரல் ஆயுதக் கிளர்ச்சியின் 50வது ஆண்டு -சுப்பராஜன்

 


-சுப்பராஜன்

1971 ஏப்பிரல் கிளர்ச்சியில் தோல்வியுற்ற பின்னர் சரணடைந்த ஜே.வி.பியினரது இளம் உறுப்பினர்கள்

ஜே.வி.பி’ என்று அழைக்கப்படும் மக்கள் விடுதலை முன்னணி அல்லது ஜனதா விமுக்தி பெரமுன என்ற அமைப்பு 1971ஆம் ஆண்டு ஏப்ரல் மாதம் 5ஆம் திகதி இலங்கையில் நடாத்திய ஆயுதம் தாங்கிய கிளர்ச்சி நடைபெற்று 50 ஆண்டுகள் உருண்டோடிவிட்டன. இந்தக் கிளர்ச்சியின் நினைவு தினத்தை அந்த இயக்கம் வருடாவருடம் நினைகூர்ந்து நிகழ்ச்சிகளை நடாத்தி வருகின்றது. அதன் பின்னர் அவர்களது தலைவர் ரோகண விஜேவிரவின் மரணத்தில் முடிவடைந்த இன்னொரு கிளர்ச்சியை அந்த இயக்கம் 1988 – 88 காலகட்டத்தில் நடாத்தியிருந்த போதிலும், அந்தக் கிளர்ச்சி பற்றி ஜே.வி.பி பெரிதாக நினைவு நிகழ்ச்சிகள் எதையும் நடாத்துவதில்லை.

எனவே இந்தக் கட்டுரையின் பிரதான நோக்கமும் ஜே.வி.பியின் 1971ஆம் ஆண்டுக் கிளர்ச்சி பற்றி ஆராய்வதே. அப்படி ஆராய்வதற்கு ஒரு நோக்கமும் இருக்கிறது. அதாவது ஜே.வி.பி 1971இலும் 1988 – 89 காலகட்டத்திலும் நடாத்திய ஆயுதக் கிளர்ச்சிகள் தோல்வியில் முடிவடைந்ததுடன், பெருமளவு அழிவுகளைக் கொண்டு வந்தவையாக இருந்த போதிலும், அவை பற்றி அந்த இயக்கம் எந்தவிதமான சுய – விமர்சனமும் இன்றியே அவற்றைக் கொண்டாடி வருகின்றது.

Monday, 5 April 2021

வங்கத் தேர்தலில் புது இரத்தம் பாய்ச்சும் இடதுசாரி இளம் வேட்பாளர்கள்- சிவ் ஸஹ்ய சிங் (-Shiv Sahay Singh)

 



பிரீத்தா டா (Pritha Tah) வின் தந்தை பிரதீப் டா (Pradip Tah) இந்திய கம்யூனிஸ்ட் கட்சியின் (மார்க்ஸிஸ்ட்) எம்எல்ஏ-வாக இருந்தவர். அவர் 2012-ல் கொல்லப்பட்டபோது, பிரீத்தா டாவுக்கு வயது 19. பிரதீப் டா திரிணமூல் காங்கிரஸ் தொண்டர்களால் கொல்லப்பட்டிருக்கலாம் என்று நம்பப்படுகிறது. தற்போது 28 வயதில் இந்திய மாணவர் சங்கத்தின் தலைவர்களுள் ஒருவராக இருக்கும் பிரீத்தா டா, வர்தமான் தக்ஷிண் (Bardhaman Dakshin) தொகுதியில் சட்டமன்றத் தேர்தலில் சிபிஐ(எம்) வேட்பாளராகப் போட்டியிடுகிறார்.

வர்தமான் தக்ஷிண் சட்டமன்றத் தொகுதியை உள்ளடக்கியிருக்கும், பிரதானமாக நகர்ப்புறப் பகுதிகளாக இருக்கும் 33 வட்டங்களில் தீவிரமாகப் பிரச்சாரம் செய்துகொண்டிருக்கிறார் பிரீத்தா. “அரசியல் வன்முறையின் காரணமாக நிகழ்ந்த என்னுடைய தந்தையின் மரணமும் பிறருடைய மரணமும் குற்றவாளிகளுக்கும் அரசியலர்களுக்கும் இடையிலான கூட்டின் விளைவாகும். மேற்கு வங்க வரலாற்றில் குற்றவாளிகள் இந்த அளவுக்குக் கொலைபுரிந்துவிட்டுத் தண்டனையிலிருந்து தப்பிய வேறொரு ஆட்சி இருந்ததில்லை” என்கிறார் பிரீத்தா.

புதிய அர்த்தம்

சிங்கூர் கொந்தளிப்பில் இருந்தபோது ஸ்ரீஜன் பட்டாச்சார்யாவுக்கு 13 வயது. தற்போது 27 வயதில் இந்திய மாணவர் சங்கத்தின் தலைவர்களுள் ஒருவராக இருக்கும் அவர் சிங்கூர் சட்டமன்றத் தொகுதியில் வேட்பாளராகப் போட்டியிடுகிறார். அதன் மூலம் தொழில் துறைக்கும் விவசாயத்துக்கும் இடையிலான எதிர்வு குறித்த விவாதத்துக்குப் புதிய அர்த்தம் கொடுக்க முயல்கிறார். “சிங்கூரில் விவசாயமா, தொழில் துறையா என்ற பிரச்சினை ஒருபோதும் இருந்ததில்லை, இந்த விவாதமே விவசாயத்தின் வெற்றியைக் கொண்டு கட்டமைக்கப்படும் தொழில் துறையைப் பற்றியதுதான்” என்று தன் பிரச்சாரத்துக்கிடையே அடிக்கடி கூறுகிறார்

 ஸ்ரீஜன்.

Sunday, 4 April 2021

இலங்கையில் ஈழப்போர் பற்றிய ஜெர்மன் ஆய்வாளரொருவரின் கருத்து Mathias Keittle

 மிகவும் சிக்கலான உலக தொடர்புகளுடன் மிகமோசமான பயங்கரவாதக்குழு ஒன்றினை இலங்கை அழித்தபோதிலும், அதற்கான உரிய பலன் இலங்கைக்குக் கிடைக்கவில்லை. உலகில் வேறெங்கிலும் இல்லாதவாறு, உள்நாட்டில் இடம்பெயர்ந்த 300,000 பேரை மீளக்குடியமர்த்துவதில் இலங்கை வெற்றியடைந்துள்ளது. அரச சார்பற்ற தொண்டு நிறுவனங்கள் உணவளிப்பதற்கு வேண்டி, பட்டினியால் வாடும் குழந்தைகளென இலங்கையில் கிடையாது என்பது கண்டு கொள்ளப்படாமலேயே உள்ளது. பெருந்தொகையில் மக்கள் அவலம், தொற்று நோய்கள் மற்றும் பட்டினி போன்றவற்றை இலங்கை தவிர்த்துள்ளது என்பதை மேற்குலகம் கவனத்தில் எடுத்துக் கொள்ளாமல் இருக்கின்றது. பயங்கரவாதத்தை ஒழித்த அதேவேளையில், ஓர் அபிவிருத்தியடைந்து வரும் நாடு என்று பார்த்தால், பொறாமை கொள்ளத்தக்க வகையில் சமூக பொருளாதார தரத்தை இலங்கை அடைந்துவிட்டது. எனினும் அதற்கான எந்த அங்கீகாரமும் இலங்கைக்குக் கிடைக்கவில்லை. ஜனநாயகத் தேர்தல்கள் மூலம் முன்னெப்போதும் இல்லாத வகையில் மக்களின் அங்கீகாரத்தை இலங்கை அரசும், அதன் ஜனாதிபதியும் தொடர்ச்சியாக அனுபவித்து வருகின்றனர். ஆயினும் அது நிராகரிக்கப்பட்டு வருகின்றது. இலங்கையின் பொருளாதாரம் இயல்பான செயற்பாடு கொண்டதாக இருக்கின்ற போதிலும், மேற்குலகினால் ஊக்குவிக்கப்படாமல் உள்ளது.

பின்னணி: 27 ஆண்டுகால குருதிதோய்ந்த மோதலுக்குப் பின்னர், தமிழீழ விடுதலைப் புலிகளின் முழுமையான தோல்வியுடன் இலங்கையின் உள்நாட்டு யுத்தம் முடிவுக்கு வந்தது. ‘வொண்டர்லாண்ட்டில் அலிஸ்’ (Alice in Wonderland) என்ற திரைப்படக்காட்சி போன்று, நாடு எல்லையற்ற அச்சமும் நிச்சயமற்றதுமான ஒரு சூழலிலிருந்து, அமைதிக்கும் முழுமையான தணிவுக்கும் ஒரே இரவில் மாறியது. ஆயிரக்கணக்கான மக்கள் வீதிகளில் திரண்டு வந்து, ஒப்பிட முடியாத மகிழ்ச்சியைக் கொண்டாடினர். உணவக உரிமையாளர்கள், போக்குவரத்து நெரிசல் மிகுந்த வீதிகளில் சென்ற அனைத்து வழிப்போக்கர்களுக்கும் தாமாகவே உணவு வழங்கினர்.

Saturday, 3 April 2021

அமெரிக்காவின் நலன்களுக்கு சேவகம் செய்திடும் மோடி அரசாங்கம்


மார்ச் 28, 2021

மெரிக்காவில் ஜனாதிபதி பைடன் ஆட்சிப் பொறுப்பேற்ற இரண்டு மாதங்களிலேயே அதன் பாதுகாப்புத்துறை அமைச்சர் லொயிட் ஆஸ்டின் (Lloyd Austin) இந்தியாவிற்கு வந்திருப்பது, இந்தியாவிற்கு அதன் ராணுவக் கூட்டாளியாகவும், கூட்டணி நாடாகவும் அமெரிக்கா இருப்பதன் முக்கியத்துவத்தைக் குறிக்கிறது. ஆஸ்டின் இந்தியாவிற்கு வருவதற்கு முன், ஆசியாவில் அமெரிக்காவின் ராணுவக் கூட்டாளிகளாக விளங்கும் ஜப்பான் மற்றும் தென் கொரியா ஆகிய நாடுகளுக்குச் சென்றுவிட்டு, இந்தியாவிற்கு வந்திருக்கிறார். அமெரிக்காவின் பயணத்திட்டத்தில் ஜப்பான், தென் கொரியாவிற்கு அடுத்ததாக இந்தியாவை வைத்திருப்பதிலிருந்து பெண்டகன் (அமெரிக்க ராணுவத் தலைமையகம்), இந்தியாவை ஜப்பான், தென் கொரியா ஆகிய நாடுகளுக்கு அளித்துவரும் அதே அந்தஸ்தில் வைத்திருப்பதையே காட்டுகிறது.

Sri Lanka Bar Association concerned about police brutality, says will intervene if necessary

 


ECONOMYNEXT – The Bar Association of Sri Lanka (BASL) will observe action being taken to curb what it calls a disturbing trend of police brutality in the country and stands ready to intervene where necessary, the BASL said yesterday.

In a statement signed by BASL Secretary Rajeev Amarasuriya, the association said a failure to hold errant police officers to account would ultimately lead to erosion in the rule of law and the confidence the public has in the police department.

புலிகளை ஆதரிக்கும் தமிழ் புலம்பெயர் குழுக்கள் பலவற்றுக்குத் தடை

 

  • சில தனிநபர்களும் உள்ளடக்கம்
  • உலகத் தமிழர் பேரவை உள்ளடக்கம்
  • பெரும்பாலான குழுக்கள் 2015-இல் தடை நீக்கப்பட்டவை
  • இற்றைப்படுத்தப்பட்ட வர்த்தமானி அறிவித்தல் வெளியீடு

பிரித்தானியாவைத் தளமாகக் கொண்ட சில நிறுவனங்கள் உள்ளடங்கலாக தமிழ் புலம்பெயர்க் குழுக்கள் சிலவற்றை அரசாங்கம் தடை செய்துள்ளது.

சில குழுக்கள் 2014ஆம் ஆண்டு தடை செய்யப்பட்டபோதும், 2015ஆம் ஆண்டு பட்டியலிலிருந்து நீக்கப்பட்டிருந்தன.

உலகத் தமிழர் பேரவை, பிரித்தானிய தமிழர் பேரவை, கனேடிய தமிழ் காங்கிரஸ், அவுஸ்திரேலிய தமிழ் காங்கிரஸ், கனேடியத் தமிழர் தேசிய அவை, தமிழ் இளையோர் பேரவை, உலகத் தமிழர் ஒருங்கிணைப்புக் குழு ஆகியவையே பாதுகாப்பமைச்சால் தடை செய்யப்பட்டுள்ளன.

கொழும்பு துறைமுக நகரம் தனி நாடல்ல! - –சுப்பிரமணியம் நிஷாந்தன்

ஏப்ரல் 18, 2021   கொ ழும்பு துறைமுக நகரம் வர்த்தக ரீதியாக இலங்கைக்கு ஒரு திருப்புமுனையாக அமையும் என்பதுடன், இதுவொரு தனிநாடல்ல. இதன் மொத்த நி...